Poesie > poesie dell'autore
I mè anni
Quannu mi taliavu
o specchio pa prima vota
mi misi a ridiri.
Vidennu nautru comu a mia.
Allungavu a manu pi tuccaricci
a faccia,
ma anzicchè tuccaricci a facci
ci uncivanu li manu.
- Matri! rissi iu,
picchi viu nautru comu a mia?
- E' lu specchiu ca rifletti a tia,
mi dissi me matri.
E tutti jorna mi piacia
taliarimi a lu specchiu.
Mi viria crisciri
in so' cumpagnia,
e pi mia era comu na magia.
Ni passarunu d'anni
taliannumi a lu specchiu
e mi scuraggiu
picchì ricordu u riflessu,
ca mi davi no passatu
cu li capiddi ricci e nivuri,
cu la faccia liscia
e senza varva bianca.
Eh specchiu, specchiu,
tu si l'unicu
ca pò parrari di mia,
ca un tempu
quannu eru picciriddu
lu riflessu mi davi.
Mi paria na magia.
Vulissi tantu ca na vota
tu ti facissi veramenti
na magia pi fari cuntenti
a mia, c'haju, jornu dopo jornu
arrappata a peddi mia,
e sentu scurriri a me vita
comu sabbia 'nta li dita.
Fammi cuntentu, specchiu,
fammi sta magia
pi na vota, pi favuri:
quannu mi taliu
'nta lu specchiu,
nun mi fari viriri
l'anni mia
© 2005-2007 Stefano Ba