stefanobalistreri

La spiranza di la paci

Pi capiri lu valuri di la vita
avissi a esseri tu omu
a mettiri a lu munnu li figgi,
a daricci la luci
a nutrilli
cu lu fruttu di lu pettu,
pi capiri gioia e dulura
pi parturilli.

Omu ca ti 'nchiani li strati
di lu putiri
a cannunati.

Cu lu sangu di li nnuccenti
sazi la to siti.

Omu,
e arrivatu lu to tempu,
di firmari li to guerri.

Cu l'armi di l'amuri
si cuncuistanu li cori
di tuttu lu munnu.

Iu donna
sugnu la speranza di lu munnu
senza guerri e rancori.

Iu donna
sugnu la speranza di la paci
di lu munnu.