stefanobalistreri

Lu putiri

Lu putiri è comu u pignatuni
cu dintra u ministruni.

Sunnu tanti i cuncurrenti,
pulitici si fannu chiamari
e s'affuddanu
cu va a dritta, cu a centru e manca
p'arrivari 'nto pignatuni
c'avissiru a spartiri u ministruni
a i cittadini
ma sunnu tanti affamati di putiri
ca penzanu sulu a inchirisi
a panza e a rricchiri.

E s'appuzzanu 'nto pignatuni,
cu cuppoinu, ca cucchiara
e cu furchittuni
e nun lassanu un fili ri ministruni
da spartiri a i cittadini.

E nuatri tutti iamu appressu
a iddi
comu tanti picuruna
ca la sula diffirenza è
ca li pecuri fannu mè
nuautri cittadini
nn'arrunchiamu i spaddi
e dicemu mà.