Poesie > poesie dell'autore
U picuraru
Assittatu 'nta na vallata
tra muntagna, chianura e mari
cu tanti pecuri di vardari.
li taliu! Sunnu tutti affussinnati...
si sparpagghianu...
cu va a destra e cu va a sinistra.
Tutti cu li funci 'nterra
a circari ddu picca d'erba
chi crisci.
La strappanu a fatica
pi mettiri ddu picca di manciari
nna lu ventri.
E iu acchianu e scinnu
appressu a iddi nna vallata.
Tra l'omu ca spiana pi li casi
e pi li piantagiuni,
vigni, brocculi e limuni
resta pocu pi lu virdi naturali.
Puru u tempu ci si metti contru!
Ca nun chiovi comu prima
e ddu picca chi chiovi nell'invernu
sunnu acqui chini di vilenu.
Io ca pi tradizioni
haju fattu sempri u picuraru...
Ma un c'è cchiù erba!
Chi misteri haju a fari!