Poesie > poesie dell'autore
Si la tavula parrassi
Sugnu na vecchia tavula
cu quattru peri scancarati,
ma sugnu trattata comu na rigina.
Staiu nno centru di la casa.
Sempri in cumpagnia.
S'assettanu tutti 'ntunnu a mia
cu picca di manciari
tegnu na casa in allicria.
Fannu riscussi
alleri e siddiati:
li sentu parrari
di casi ricchi,
tavuli apparecchiati
cu pisci, carni, caviali.
Ca c'è na casa puviredda,
cu minestra e virdura
fannu di mia
na gran signura.
Lu munnu gira pi tutti,
ricchi e puvireddi,
e la via di lu tempu
porta a tutti 'nta stessa tavula
unni si mancia la stissa minestra,
poviri e ricchi.