Poesie > poesie dell'autore
Tiro ancora lu carrettu
Di picciriddu haiu travagghiato
tirannu lu carrettu finu a sissant'anni,
e cuntinuu ancora a tirallu.
Na vita di travagghiari cu picuni,
zappa e pala
pi putiri a stentu campari.
Ora haiu l'ossa stanchi
e mi vulissi arripusari,
ma a liggi dici
ca pi ddu picca
di pinsioni
haiu aspittari n'autri cinc'anni,
ca a mia parino cent'anni.
Semu tutti figghi di la patria,
dici a liggi!
La liggi è la peddi di li tamburina:
la tiranu e l'allarganu
comu vonnu li ricchi e li pulitici.
Bedda sucità è chista!
Semu tutti figghi di la patria
e ognunu pi cuntu riddu pi la panza.
Nuatri poveri manuali
di lu travagghiu nni cunfurtamu
cu na vecchia frasi,
ca lu sceccu dissi o mulu:
"semu nati pi dari culu".