Poesie > poesie dell'autore
Truvari u curaggiu di parrari
Quannu a sira mi va 'ccurcu,
stentu a pigghiari sonnu.
I me pinseri sunnu accumulati
'nfunnu comu un mari 'ntimpesta,
cercu a vuci pi tiralli fora
e comu petri restanu 'nta lu funnu.
Quantu vidinu e sentunu
e stanno muti,
ca nun trovanu u coraggio di parrari,
facennu finta, di nun 'mpurtacci nenti
di chiddu ca succeri 'nta lu munnu,
iu nun mmarrennu,
perdu sonnu, nun trovu paci
finu a quannu
haiu truvari a vuci, pi tiralli a galla
sti pinseri
e comu petri a una, a una
tiralli 'nta tutti li parti du munnu,
farli scrusciri comu campani,
a stunaricci l'aricchi,
a tuccaricci lu cori e faricci capiri
ca lu munnu avi bisognu
di tantu, tantu amuri.