Poesie > poesie dell'autore
U zappaturi
Sugnu taliatu comu arritratu,
picchì cu lu zappuni
zappu a terra.
Ma da terra nascia a vita:
vita duna vita
cu li so frutti
ca sazia tutti.
Staiu sempri accuvacciatu
'nterra cu lu zappuni 'nta li manu.
Sutta u picu du suli
e l'acquazzina da matina.
Ma mi nni vantu
si a terra m'inchinu.
Nun mi sentu arritratu e mischinu.
Picchi ne la terra
sugnu sempri vicinu.
Curannula, accarizzannula e amannula.
Iu sugnu u zappaturi
ca fa unuri a tuttu u munnu.