Poesie > poesie dell'autore
A Katia
Nascisti 'nta na gnunidda
di terra di Sicilia,
urnasti a casa mia
chi to biddizzi e lu prufumu,
chi gioia purtasti 'nta lu me cori!
Hai tinutu la casa
sempri in alligria.
Ora addivintasti granni
e vinni lu tempu di vulari
e comu 'na palumma bianca
stai vulannu 'nta lu to nidu.
Lu me cori è cuntentu
picchì un pezzu di mia
vola cu ttia,
stannuti vicinu 'nfinu ca haiu vita.
Si pi li vii c'hai a fari
spini avvissi a 'ncuntrari,
nun ti scuraggiari:
nno to cori ci sugnu iu
pi libirariti la via.
Tenimi sempri nno to cori
figghia mia.