Poesie > poesie dell'autore
A Stifaneddu
T'aspittavu niputi miu;
nascisti beddu e lustru
comu lu suli,
la faccia lu coluri
di lu ciuri,
purtasti nna lu cori
gioia e caluri.
Chi biddizzi di picciriddu!
Stefanu ti chiamaru
comu a mia.
E la vita si ripeti,
pi ginirazione e ginirazione
tinennu semprei vivu
stu cognomi.
T'aspittavu niputi miu
e sugnu cuntentu
ca 'nta stu munnu
tu vinisti
p'un ghiornu
pigghiari lu postu miu.