Poesie > poesie dell'autore
A terra unni si nasci
Ti lassavu quarantanni fa
pi circari pani e fortuna.
Partivu cu chiantu nno cori
comu siddu un pezzu di mia
lu lassavu cu tia, paisi miu.
Pi tuttu lu viaggiu
pi jorna e pi anni e anni
circavu di scurdari
paisi e malavita chi facia.
si niscia a matina ancora
scurisceddu
cu lu zapponi 'ncoddu
e si turnava la sira
dopu aviri zappatu terri critusi.
Nun si vuscava mancu chiddi
pi manciari.
Ma a terra unni si nasci
resta nna lu sangu
vivu 'nta sta terra luntano
d'America
ca pi grazi di Diu
pani e travagghiu nu manca
ma quannu mi pigghia la
malinconia
vulissu sentiri la meludia
di la lingua du paisi miu.
Oggi lu miracolu s'č avviratu
e 'nta lu paisi sugnu turnatu,
i paisani ca parranu
na specie di Talianu.
Mi sentu spaisatu
di comu stu paisi č canciatu.
La matina, prima
d'agghiurnari,
rumuri di machini e trattura,
m'arruspigghianu tuttu
scantatu
comu siddu avissiru
bumbardatu.
Li me ricordi nun sunnu chisti!
criscivu
tra casi cu tetti chi canali,
cu staddi e pagghialora
cu strati inciacatati,
cu scrusciu di zoccoli di muli,
cu lu cantu di l'aceddi
e lu vuciari di chiddi ca
avano a travagghiari
era na melodia
ca nun si po' scurdari.
© 2005-2007 Stefano Balistreri