Poesie > poesie dell'autore
Cca t'aspettu
Criscivu comu lu gaddu 'nto
pullaiu
cu la cricchia isata.
Ogni gaddina ca 'ncuntrava
la pigghiava.
E nun pinsava ca lu tempu
cca m'aspittava.
Dopu tant'anni,
nuru davanti lu specchiu,
mi viru musciu e tuttu
allacarutu.
La notti mi votu, mi rivotu;
ma nun pozzu dormiri.
Pensu a chiddu ca dicunu
li scienziati,
quantu così annu 'nvintatu
pi la giuvinizza.
Ma la natura nun si pò
canciari,
a vita è comu 'na cannila:
quannu lu mecciu finisci di
bruciari
a lu scuru s'havi a ristari.
Ora sugnu fora di lu pullaiu
e vidu li gaddini passiari
e lu temu traditori mi dici…
- Cca t'aspettu!
senza rancuri.