Poesie > poesie dell'autore
Me patri m'era figghiu
Ricordu,
a sira me patri.
Vinia di travagghiari.
Tuttu cuntentu mi pigghiava.
Mi mittia a cavuliceddu,
assittatu cu na manuzza
davanti e una darreri a
spadda.
Quantu tempu pirdia pi mia.
Criscivu tra carizzi e
cuntintizzi.
Ma lu tempu consumava u
ferru e a natura
e ddu me patri
mi lu vitti vicchiareddu,
bisugnusu di carezzi e
cuntintizzi.
Iu ca eru patri comu iddu,
lu taliavu picciriddu
comu un figghiu
e lu cuntintava cu affettu
e cu amuri
finu ca lo vosi lu Signori.