Poesie > poesie dell'autore
A tutti li scinziati vi dicu
Ricordu
Quannu a terra si zappava
cu zapponi, cu l'aratru
tiratu di li vacchi voia e mula.
Quannu pi li strati
carrozzi, carretti e traini
facianu di patruna.
Lu canticchiari di canzoni
accompagnati di lu scrusciu
di la zotta
lu cincinniu di ciancianeddi
ca tinianu li strati in alligria.
Ora tuttu è mudernu,
scienza e tecnologia,
armali, cristiani
criati nno laburatoriu;
a frutta transagenica.
Ci manca picca
e si va 'nta na fabbrica e si ordina
u picciriddu.
Comu si voli!
Biunnu, niuru o russu,
u voli normali, intelligenti
o prudigiu,
assecunnu quantu voli spenneri.
Chi munnu è chisto?
Nun parramu di tranquillità
ca né di jornu né di notti cci nni
sta;
cu curri cu li machini, motocicletti
di granni cilindrata, ca lu rumuri
ca fannu parino cannunati.
Scienziati firmativi un mumento.
Ca lu munnu tuttu chistu nun lu
voli.
Lu mari è malatu, la terra è
avvilinata
l'aria è sfittata.
E l'umanità sogna, balla e canta
senza pinsari chiddu ca può
succediri dumani.