Poesie > poesie dell'autore
Sognu di 'na picciotta
Comu è difficili truvari
l'omu pi mmia!
L'omu c'haiu sempre sugnatu!
Tanti e tanti nn'haiu 'ncuntratu
Iu comu farfalla haiu vulatu,
a unu a unu l'haiu pruvatu,
stu arvulu ancora unn'haiu
truvatu…
Iu cercu un'arvulu forti,
chinu di fogghi e ciuri
pi sintirimi filici e sicura.
Iu nun mi stancu di vulari:
stu arvulu haiu a truvari.
E quannu lu trovu
dda mi posu,
e fazzu u me nidu
e dugnu u fruttu da me vita.