stefanobalistreri

Libirtà

Stanca sugnu
ri esseri a cucchiara
di tutti i pignati.

A matina, mi susu
e curru pa cucina.
mi fazzu a cruci
patri figghiu e spirutu santu;
cuminciu, cafè e latti,
lavari, stirari e cuociri pi
manciari
e comu si nun bastassi
puru a notti l'aiu accuntintari,
si mi senti lamintari,
cu vuci grossa, comu u liuni
mi dici:
zittiti e fatti a fimmina,
parra quannu piscia a gaddina.

Stanca sugnu ri tuttu chistu;
iu vogghiu a me vita
chi tu ti pigghiasti
e nun usari la forza di to manu
pi privarimi di la mia libertà.